(( لو تقوليلى بحبك )) بقلم الشاعر الغنائى .. محمد البريمى ..

 شعر غنائى..

(( لو تقوليلى بحبك ))

لو تقوليلى بحبك كل يوم .. م أشبعش منها ..

دا بتروينى أكتر م الميه .. لو أنا عطشان و مش طايلها ..

إتعودت عليها خلاص .. و بأدوب فيها من الإحساس

منك سكر يا اغلى الناس .. لنا ولا قلبى نستغنى عنها ..

لو تقوليلى بحبك .

عايز أسمعها كل دقيقه .. من شفايفك طعم تانى ..

أحلف بيها طول حياتى .. هى عمرى هى زمانى

قوليها بأى شكل و أى لون .. م تشغليش عقلك بالظنون ..

طول م بحبك حب جنون .. إنتى عايشه ف روحى و كيانى ..

لو تقوليلى بحبك ..

لو بتحبينى من قلبك صحيح .. قوليهالى ديمآ على طول ..

خليها تملى على بالك .. و إوعى يكون قلبك مشغول ..

م تدريش عنى اللى ف قلبك .. و إنتى عارفه إنى بحبك ..

و حبى سبق حبك .. و الأشواق تشهد و تقول ..

لو تقوليلى بحبك ..

بقلم الشاعر الغنائى ..

محمد البريمى ..