( الحب مش بيعة وشروة ) :
لما انت ناوي تبيع حبي
بالشفعة برضه انا الشاري
لما انت فرطت ف قلبي
كت صفعة زادت من ناري
مش هشتريه علشان باقي
على حبي او على عهدي معاك
دي كرامتي دائي وتريائي
انا مش هموت على شط هواك
إن اشتريت بشتري روحي
وباداري على سري وبوحي
عشان ما اعش ف اوجاعي
عشان تطيب كل جروحي
حادفع كتير وانت الخسران
ومهما ادفع انا الكسبان
كفاية اني اكسب روحي
واسيبك انت تعيش ندمان
وان جيت في يوم عايز ترجع
في البيعة ليك انا مش هشفع
ياللي انت فرطت ف حبي
مش هارجع انا مهما هتدفع
الحب مش بيعة وشروة
الحب عمره ما كان ثروة
الحب يعني حنان وامان
وتشوفه قصر ولو دروة
بقلمي الشاعر جمال زكي عينر
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.