اموات ولاد اموات. بقلم. احمد شاهين
خايفين من بكرا الدنيا
ناسين البكرا التانى
ونودع بعض فى ثانيه
والذكرى تدوب فى ثوانى
والحى ابقى من الميت
ودى فرصه ازاى تتفوت
وازاى هتعيش وحدانى
اه . اه . اه. اه .اه. اه
يا مسافر من غير رجعه
ومفكر نفسك راجع
من نفسك حاذر اوعى
دا الجرح غويط اه واجع
دنيا ومن غير الناس
ازاى اصلا تنداس
مهما مريت فى شوارع
اه. اه. اه. اه. اه. اه
يا دموع العين ما خلاص
نشهد لك بالاخلاص
وبكيتى على الاحباب
ويوم من بعد يوم
ننهض م الجرح نقوم
مع اول دقة باب
والحى ابقى من الميت
ودى فرصه ازاى تتفوت
وازاى هتعيش و حدانى
اه اه. اه. اه. اه. اه
نسيان الزوج شئ ممكن
نسيان الاهل محال
امك وابوك مش ممكن
ولا يوم يرتاح البال
مع كل يوم بيمر
كان حلو او كان مر
بنشوفهم فى العيال
اه. اه. اه. اه. اه . اه
دنيا وليها مفارقين
اليوم او بعد سنين
نسكن متر فى مترين
نتشال على الاكتاف
واللى دفنا وشاف
يبكى بدموع العين
اه. اه. اه. اه. اه .اه
كلمات. / احمد شاهين
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.