//////+++ سوق لمعاني +++//////
سرجت خيلي ماشي لسوق
وانا من بعيد صاغي للبوق
اش هدا اليوم للي بلاني
وانا غادي لسوق لمعاني
امحزم بحروف لفهامة
عودي زولت ليه لكمامة
ف طريقنا ولقينا جريدة
سطعت قدامي لقصيدة
من شلال لكلام اكتبنا
من لحلام سرنا وحملنا
بدواية ولقلم امحبة
ورسمنا بقلم كل كتبة
هكدا شديت شهدة اطريق
وعبير لحروف درتو لي رفيق
وبشوفة العين بانت حفاري
لمتلفة ليا كل خباري
سولت عليها سامع لساني
ضايعة مامدونة احياني
ملى غابت الشمس راحو الناس
شديت طريق وغلبني نعاس
فوق عودي ونسيت منين جيت
وصلني عودي امنين بديت
//////+++ بقلم صقر الحروف الزجال بوسبولة المحجوب +++//////
في 3 مارس 2020
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.