القمر -------بقلمي رمضان عبدالله أحمد

القمر
-------------
قمري انا من دون الناس
تعب مني انا وحبيبي
سهران معانا ووناس
بيقول انتو نصيبي

ياقمرنا استحملنا شويه
خلى القلوب متهنيه
نور طريقها للحياه
نفرح معاك الليله ديه

كتبنا فيك ياقمرنا
وياما على ضيك سهرنا
انا وحبيبي ليلاتي
بنكتب اجمل اشعارنا

قرا القمر في عنينا
ان الحب مكتوب لينا
ووعدنا يكون تالتنا
ويسلط نوره علينا

قولنا ياقمرنا خدنا جمبك
نقضي معاك ليلتنا
مااحنا ياقمرنا بنحبك
نجيلك شاركنا سهرتنا

ياقمرنا ابعد حسادنا
خلينا نعيش ونتهنى
ونسينا حتى بعادنا
وحبنا ف موال يتغنى

رقصنا علي ضيك ياقمر
برغم الغيوم والمطر
وحبيبي كان ويايا
فرحان وحب السهر

والقمر على طول ف سهوه
فاجأنا باأحلى غنوه
اختار كلامها من عيونا
شربنا مع نغماتها القهوة

القمر قاعد بعيد
متهني بحبنا
بيقول الليله عيد
والفرحة من قلبنا

والقمر وعدنا ياخدنا
نلف معاه ع النجوم
واحنا مهما معاه تعبنا
هيكون قدر ومرسوم
--------------
بقلمي رمضان عبدالله أحمد