(الشعر نابع م السكات )
بقلم الشاعر جمال زكي عينر
الشعر نابع م السكات
مش م الكلام
والحزن اصله ف أوله
كان ابتسام
والهم برضه ف اوله
كان فرح
وبعدها اتبدل آلام
حتى الكلام كان اصله حرف
قبل النحو وقبل الصرف
وحبه حبه اتطورت
لغة الكلام
ويا العلام
آه يا سلام
ع الحب والشوق والغرام
لما ييجي من السكات
من الخرس
من قلب مات
من قبل ما يقول كلمته
لحبيبه يسمع همسته
بقى ذكريات
والوقت فات
قبل المعاد ما يكون تمام
من غير كلام من غير سلام
والدنيا كات بالليل ضلام
تاه فيها كل الكون
جوه السكون
هل يا ترى ده كان رضا
او كان خصام
اهو كله عايش والسلام
انا نسيت كان ايه بدايتي
في الكلام
ايوه افتكرت
انا كنت قلت
الشعر نابع م السكات
مش م الكلام
طب ليه بقى دلوقتي قلت
كلام ماهوش واضح اوي
كلام معقد ملتوي
يمكن كتير ما يفهموش
معنى اللي قلته بالتمام
لانه نابع من سكاتي
من جوه ذاتي
من شعر يتقال على جثتي
من فوق رفاتي
بعد مماتي
بعد السكات
بعد البكا بعد الآهات
ما الشعر نابع م السكات
مش م الكلام
والحزن اصله ف أوله
كان ابتسام
مش م الكلام
والحزن اصله ف أوله
كان ابتسام
والهم برضه ف اوله
كان فرح
وبعدها اتبدل آلام
حتى الكلام كان اصله حرف
قبل النحو وقبل الصرف
وحبه حبه اتطورت
لغة الكلام
ويا العلام
آه يا سلام
ع الحب والشوق والغرام
لما ييجي من السكات
من الخرس
من قلب مات
من قبل ما يقول كلمته
لحبيبه يسمع همسته
بقى ذكريات
والوقت فات
قبل المعاد ما يكون تمام
من غير كلام من غير سلام
والدنيا كات بالليل ضلام
تاه فيها كل الكون
جوه السكون
هل يا ترى ده كان رضا
او كان خصام
اهو كله عايش والسلام
انا نسيت كان ايه بدايتي
في الكلام
ايوه افتكرت
انا كنت قلت
الشعر نابع م السكات
مش م الكلام
طب ليه بقى دلوقتي قلت
كلام ماهوش واضح اوي
كلام معقد ملتوي
يمكن كتير ما يفهموش
معنى اللي قلته بالتمام
لانه نابع من سكاتي
من جوه ذاتي
من شعر يتقال على جثتي
من فوق رفاتي
بعد مماتي
بعد السكات
بعد البكا بعد الآهات
ما الشعر نابع م السكات
مش م الكلام
والحزن اصله ف أوله
كان ابتسام
بقلم الشاعر جمال زكي عينر
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.