قابل خالها *** بقلم السيدابوطاحون
*********
صباح الورد
على القلب
اللي مليان ود
على الحلوه
اللي في عيونها
بتقرا الرد
وحب بجد
ماله حد
ورغم ظروفها
وكسوفها
ورغم الحيره
في حروفها
تلاقي الهمسه
من خوفها
تهتف لك
تعالى .. مد
وتعرف ان
موالها
واحوالها
واموالها
وكل الورد
في ايد خالها
وتفلت ايدها
من ايدك
بحنيه
على وعد
اللقا في الغد
فى دار خالها
وتسمع
نبض خلخالها
واحلى
مهره عرببه
بقيت
سيدها وخيالها
بشرط
تبقى لك ملكه
بكل خجلها
وخيالها
ونور الحور
في جمالها
بسرعه
روح
قابل خالها !!!
*********
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.