يا قاضي الغرام
بحكيلك حكايتي
عاشق ولهان
وهي قصتي وروايتي
فيها العشق حيران
حقيقة وبتشبه مرايتي
إسمع يا قاضي الحكاية
قلب بالعشق يرويها
وتنهيدة الروح
بالإسم بتناديها
دقات القلب يا الله
شو معلقة فيها
من الخجل شو محلاية
نجمة ليل مضواية
غمزات خدودها
حبة حبة منقاية
والسحر بعيونها
من نور الشمس جاية
يا قاضي الغرام
لا تحكم عليي
حكمك عليها
شو بدك أنا فيي
عشق القلب من الله
أجمل هدية
ودقاته يا قاضي
كفارة من كل خطية
كفارة بقلمي محمود عجور
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.