فايق انا عالصبح شو تعبان
وبعدو الفجر نايم على كتافي
يمكن أنا من صيحة الآدان
عم ازعجو للفجر تيوافي
يضرب شو مزعج ديك هالجيران
مفكر بانو الشمس شي دافي
عم تنطرو تيصيح بالأكوان
وتسمع بقا وتقوم بالعافي
وكتير منو عند هالإخوان
يفسبك كأنو للسما صافي
بينفش بريشو جاهل وسكران
وبيقود هالأكوان إي حافي
وغيرو اللي عامل زير للنسوان
وهوي متل ماقيل شي آفه
منتوف ريشو جاهل وطفران
وبدك شي كاس تدق عالصافي
حاجي بقا تسمع حكي سلمان
نعسان بعدو من الصبح غافي
سلمان عمران
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.