فلاح
هو حكايته
طول عمرها
ساقية وتوته
وعمره قضاه
فى الغيط
طافح القوته
وصوته ماكينة رى
على الترعة
صوتها بيحكى
الف حدوته
اسمر كحيل العين
عشقه
صبية زى القمر
واحلى بنوته
تقولك انا زينب
وساعات يندهونى
بستوته
توحشك لو فاتت
عليك فى اليوم
الف فوته
ومن غير ماتسأل عليه
روح اسأل البقال
حياته متسجله
فى ميت نوته
عايش حياته
بالرضا
ولا عمره قال
ولا اشتكى
ولا عمره اختار
الموته
وعجبى
على ياقوت
مصر
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.