مسكت قلمى وقلت
وحروفى معايا وكتبت
على ايامى مالومت
والسنين عدت تعبت
قلت بكره جاى فرحت
هيغير حالى ودوبت
الم الباقى واقول
يازمانى خلاص روحت
واللى راح عمرة ماراجع
عمرى انا فكرته ليا
اتاريه من بدرى ضايع
راح فى غفله منى نسيت
ان اللى راح عمره ماراجع
قلت لما اعزى نفسى
وبلاش يادنيا تقسى
ارحمى قلبى اللى داب
من قساوتك يالا وانسى
انسى حزنى وانسى المى
وانسى اللى نزلى دمعى
وانسى الحزن والمواجع
نفسى تقولى فرحى راجع
قولى انك حتعوضينى
عن ايامى وعن سنينى
وعن الفرح اللى ناسينى
والباقى فى عمرى وسنينى
حشتكى العمر اللى باقى
عايزه اعيش من غير مااعانى
نفسى احققلى الامانى
لسه فى فى العمر حبه
حسوا بقلبى يااحبه
ما تجرحوش فى القلب حبه
ياما شال قلبى المحبه
سيبوا قلبى يعيش حياته
قبل ماييجى يوم مماته
~~~~~~~~~~~~~~
راوية حسن
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.