كل سنه وانت بيعد عنى
فى السما عند ربنا مترحمه يا أمى
كنت فاكرك يوم جوازى
بفستان جديد وكعبك متحنى
متشمره ورابطه وسطك
بترقصى وتزغردى وتهنى
شايف فى عيونك الفرحه
لابسه طرحه والمعازيم بتغنى
كل يوم بشوف طيفك
لابسه أبيض وسط الملايكه
بتسبحى وبتصلى
عايش بدعاكى لما كنت وياكى
ولسه صوتك فى ودانى
بتقولى قوم يا ولدى علشان نصلى
قمت من النوم مفزوع
على صوت آذان الفجر
ومتشمر ومتوضى
وصوتى كان فى المسجد عالى
وانا ساجد بقول
الله يرحمك يا أمى
خواطر على ابو المجد سباق.. مسابقة
عيد الأم
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.