..دموع القلب ........ .... ✍ هدى النحاس

........دموع القلب
يا دموع بتحرق ف الخدود
والنار بتشعِل نار تحدي
كل اللي فاضل من وعود
بتعدي تاخد م اللي عندي
ويا الرماد ويا الغبار
......ويا الغيوم
طارت بعيد جواك يا كون
واتبعترت كل المشاعر
واتقطعت كل الظنون
وبقيت بعدي ع الوعود
بضحك وببكي
أسأل علي باب العهود
الاقيه بيشكي
أنا كنت ملكي ؟؟!!!
وبقيت سراب بعد الغياب
مبقتش أملك غير عتاب
كل الآهات ثبتت حضور
والماضي كان واقف طابور
باصص علي كل الحضور
عًمال بينعل فى العيون
اللي فى يوم قالت ها دوم
وهَكون غصون
وهكون وأكون
والذكريات جوة المرار
شربت كاسات
سحبت معالم الصور
جوة برواز الفتات
السهل أصبح مستحيل
حتي الأمان أصبح خطير
أنا نفسي أرجع تاني أطير
......وأعيش أمير
سارح ما بين كل الشجر
من غير هموم زي المطر
بس الغريب إني هعيش
...من غير حبيب
والقلب يتحول قليب
..... ...... ........ ....
✍ هدى النحاس