بحر الهوى....... عبدالمنعم عدلى.

بحر الهوى
عبدالمنعم عدلى..مصر
بحر الهوى جف
وماعاد مد ولاجزر
والريح غابت
ولامن شرق ولاغرب
جالس على شط الهوى
مستنى نسمة هواء
غاب صولجانك يابحر
راح فين الموج
راحت فين روائحك
هو الود إنقطع بنا
ولامداد الهوى
راح لغيرنا
قاعد على شطك
مستنى جزرك ومدك
عل الحبيب
جاى مع نسمة هواء منك
قول لى بابحر
ليه بعدت عنى
وإنت كاتم سرى
أشكيلك كثرة همى
وأفرحك بنسمة
هواء جائتنى
فين ميتك يابحر
فين موجك الهائج
الله عليك يابحر
عندما تكون صافى
وبالحب تناجى
عشاق الهوى وتنادى
وبسمتك الحلوه
رايحه وجايه
ومعاها بشرة خير
الله عليك يابحر
والموج يحمل
نسمات الحب
ويطمئن قلب الحبيب
ويقول الصبر
ليه حدود
الله عليك يابحر
هات ميتك
وتعال بسرعة
كنت زارع
فيك زهرة الحب
وطرحت لغيرى
مش ليا
قاعد على شط الهوى
مستنى فيضك عليا
وحبيبى يرجع
تانى ليا
الله عليك يابحر
عندما الشوق
يفيض بيا
وعلى موجتك
أروح وأشوف
حبيب ليا
هجرنى وبعد
وأرجع تانى
وأنا مستنى
نظرة حلوه
أعيش عليها
عمر تانى
الله عليك يابحر
بقلمى عبدالمنعم عدلى