قلبى ... العمر ... جريح *********بقلم عادل جاد

قلبى ... العمر ... جريح
*********
أنا طير ماليش جناح ولا ريش
آه الهم جوا قلبى تملى جليس
عايش من غير حب ولا ونيس
دلونى أزاى بس بالدنيا أعيش
مفيش قلب زى قلبى تعيس
_______________________
دا رغم وسع الوجود والكون
جوا همومى العمر مسجون
آه أطلع من هم ألاقى هموم
مفيش لهنايا ميعاد معلوم
_______________________
عايش بس حلاوة روح
الهم ورايا منين ما أروح
حرام عليا لو بيه أبوح
كأن البشر زى مجروح
_____________________
البشر طبعه موش مريح
قلبى بخيره ضد الريح
لسان الحق موش صريح
م الغدر قلبى العمر جريح
_____________________
آه دا همى بحر موجه عالى
واخدنى من كل عزيز وغالى
سد حرمنى من تحقيق آمالى
معاه ماليش حبيب ولا آهالى
______________________
مع أنى ف الوجود حيران
عايش مع الهم فى أمان
بس قلبى كله رضا وإيمان
لحظة هنا أنسى كل الأحزان
_______________________
بس ببكرة لسة وخدانى الأمانى
إللى خلقنى أكيد مش حينسانى
حلاقى فى الهنا بوقت مكانى
موش حفضل مع الهم أعانى
______________________
موش باقول أننى مظلوم
عارف ان ده مقدر ومقسوم
عمر حالى ده ما هيدوم
عارف ان الحياة يوم ويوم
____________________
دا مهما يومى مع الهم يطول
أملى فى ربنا تملى موصول
لنفسى تملى اردد وأقول
دا بعد الظلام بيجى النور
بعد العسر تملى ميسور
همى أنى على دينى غيور
أنى أتقلب لربى وانا مسرور
*********
بقلم
عادل جاد