ولدى..... عبدالمنعم عدلى.

ولدى
عبدالمنعم عدلى..مصر
ولدى ياللى
ماشفت رحمى
ولارضعت من صدرى
ولدى ياللى
ماسكنت حشايا
وأحن عليا
من ولدى
فلذة كبدى
ولدى
كنت فين من زمان
قبل ماتبيض عينى
على حسرة غياب ولدى
مشى مع الريح
راح بعيد عنى
وربنا عوضنى
ولدى
إنت مين
وجئت من بعيد ليه
ولدى
فرحت بيك
وعينى شيفاك
وكأنك من رحمى
فلذة كبدى
ياأعز من ولدى
ياحته منى
ياحته من كبدى
سايبنى ورايح على فين
خليك معايا
أمى
ياأعز من أمى
ياأغلى من كبدى
رايح بعيد ومش عارف
إمت هترسى بيا الدنيا
المشوار لساه طويل
محتاج دعواتك ياأمى
ولدى
قلبى بيدعيلك
روح وسافر
ربى معاك
ولدى قلبى بيقول لى
مشوارك مليه الشوك
وحصاده أمر من العلقم
هأحزن عليك ياولدى
لأخر العمر
روح ياولدى وسافر
القلب والرب معاك
بقلمى عبدالمنعم عدلى