الأخوة .... بتنهار
*********
آه أخويا كان زمان أخويا
وأحنا تحت ضلة أمى وابويا
كان الحب ف القلب شفاف
ماكناش من بكرة بنخاف
أخرنا نبص تحت رجلينا
نشوف بعض بقلوبنا وعنينا
كنا بنعيش اليوم ببومه
نتقاسم حلوه وهمومه
منعرفش بكرة مخبى أيه
آه الأخ بيداس عليه
عشان كدا القلب حزين
دقاته كلها آهات وآنين
آه الدمع ملو العين
واخدنى للطفولة حنين
أنا واخواتى كنا متجمعين
كنا واحد وبقينا أتنين
الكل مشى ورا الهوا
غاب بوجودنا الهنا
الكل طبعه الأنا
محدش للحنان إهتدى
الغدر بنا إبتدى
غاب للإخوة الهدى
الكل بالهم شدى
محدش حاسس بالتانى
كل أخ وحيد يعانى
بقول الزمن موش زمانى
ولا حتى المكان مكانى
عايش بالدنيا وحدانى
مفيش ببكرة أمانى
الزمن لف ودار
الشهد بقا بطعم المرار
الأخ بينه وبين أخوه تار
العيشة بقيت فرقة ونار
الطمع بقا سكن ودار
الليل زاى النهار
الأخوة خلاص بتنهيار
يا أخويا موش كدا كفاية
تعالى عايش بدنيايا
احس بوجودك معايا
هات أيدك بأيديا
نحس ببعض شوية
نتبادل الحب والحنية
نعيش عيشة هنية
بلاش الدم يبقا ميه
نفوسنا بالرضا غنية
******
بقلم
عادل جاد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.