العنصريه
العمر محسوب
بس مش عندنا
عند اللي بدأ الكون
وعمره لنا
جايين لجل البناء
والزرع والميه
لجل مانعيش حياتنا
بتعاون ١٠٠ /١٠٠
كلنا إخوات
بالحب والإنسانيه
ليه نقضي أعمارنا
ف.حروب وهمجيه ؟
اللي اعتدى يفوق
ويصلح العمليه
ويدي الشعوب حقها
ويدفع الديه
كام باقي من عمر البشر
الله أعلم بيه ؟
وقبل ما يقول القدر
كلمته النهائيه
ياريت نسامح بعض
ونمحي العنصريه
وانت على دينك
ونا على ديني
وربك كريم ستار
هيرضيك ويرضيني ...
أسامه عبد القادر أحمد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.