كنت ماسك ايدي ياابني..
بعد ما اتوضي الجبين
صوت أدان الحق جابني
أقرا صورة ال ( ياسين )
والاله من فوق طلبني
روحت طاير بجناحين
.جه رصاص الغدر صابني ..
من ايدين..المجرمين
للحبيب الشوق غلبني
اشكي حال المسلمين
عن الخونه اتحدث
.....
.....
رحت ناطق بالشهاده
والوريد ردد أمين
دمي سايل . و بزياده
من خوارج مرجومين
......
يا رصاص الغدر حاسب
الملايكه موجودين
اللي يحصي واللي كاتب
حقد ساكن فيك دفين
......
في التشهد صوتي واضح
لما يدعي بالقبول
وان قلبي نبضه مادح
لما يشهد للرسول
......
كان رسول للإنسانية
وكان رحيم بالمؤمنين
كنت اشوفه بنور عنيا
يمسح الدمع الحزين
.......
الإيمان يعني المحبه
بين جميع الناس يا ناس
مش تحب وبعد حبه
نلقي غدرك فينا داس
.....
الملايكه حاضره سامعه
خطبة الحق المبين
جوه روضه ويومنا جمعه
الصفوف مالت يمين
......
الخوارج جم احاطوا
المصلي باللي فيه
جوه رأس الشر فاتوا
الابالسه بين عينيه
......
الشيطان كان بيه يخطط
انه يرهب كل دين
في الشوارع كان يسلط
الأفاعي المسمومين
.....
في الجوامع كان يدمر
والكنايس من سنين
والملايكه النور تعمر
أرض كل الطيبين
كل أرض الطيبين
كلماتي السندباد الشاعر غريب
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.