أنا_بعشقك..........مصطفى دسوقي

#أنا_بعشقك
أنا بعشقك وبعشق سماكي
وشمسك الدافيه وضلك
بعشقك وبعشق الليل
والنجوم وقمرك
بعشقك بعشقك
عشقي لنور الصبح
لما بيشقشق فوق
شبابيك البيوت
بعشقك بعشقك
عشقي لصوت الطير
في الفجر بتسبح وبتكبر
بعشقك بعشقك
وعشقي ليكي
كل يوم عن يوم بيكبر
بعشقك بعشقك وبعشق
النيل اللي ساري
كيف وريدي
في وسط أرضك
بعشقك وبعشق
الشجر اللي حاضنه
وبعشق الخضره
وبعشق الرمله
بعشقك عشق الأراضي
والصحاري العطشانيين
المشتاقين لحبات الندا
لجل تروي في اللي مات
بعشقك بعشقك
وبعشق الحب اللي ساري
بين قلوب العاشقين
بعشقك عشق القلوب المليانين
ب الحنين للمعشوقين
بعشقك بعشقك
عشقي لشفايف
السمره اللي حبيتها
وأنا عاشق القُبلات
بعشقك عشق الصبايا والولاد
لأول ليلة في الدراسة
وللأجازه وليلة الرحله والأعياد
بعشقك عشق الصُدف
بعشقك عشق الصُدف
اللي بتجمع بين قلوب
العاشقين من غير ميعاد
بعشقك بعشقك
عشق الشباب المدفونين
ب الحيا فيكي لقطر الحياه
والقطر فات
بعشقك قد كرهي
لحكم الظلم لولادك
بعشقك بعشقك
عشق بكى عيوني دم
كيف بحور لجل حالك
بعشقك بعشقك
عشق الفرح والإبتسامة
عشق الوجع والدموع
في الذكريات
بعشقك بعشقك
والله يا بلدي أنا بعشقك
(((..مصطفى دسوقي..)))