لأ
من ديوان / سيبنى احلم
للشاعر / مصطفى فريد
لو ح تيجى بألف قلب جديد
ح اقولك لأ
لوبدرتى الكون شموع بتقيد
ح أقولك لأ
أنا شفت الخداع منك
ما فيش غير البعاد عنك
سماك لو بتمطر حب
أموت عطشان بعيد عنك
وأرضك لو بحور من ود
أشوف لى أرض غير أرضك
ولا أسمح يوم أشوف قلبى
مهما كان فى يوم حبك
يكون لعبه ما بين إيدك
ودميه حزينه يوم عيدك
ما عاد ليك إختيار عندى
وعاندى قد ما تعاندى
أنا نسيتك
نسيت كدبك
نسيت زيفك
نسيت حتى حروف إسمك
ومهما القلب بات عطشان
راح أرويه من أمان بعدك
ولو كان ع الوفا ندمان
راح أنساك واعيش بعدك
حزين يمكن
لكن رافض
اشوف قلبى فى يوم عبدك
دى نار هجرك أحن كتير
من الجنه وأنا جنبك
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.