( حوار مع الشقية) كلمات/صبري حسين
هلت عليا ب أجمل ابتسامة
صباح الفل يا عمو
جاية من جديد اسأل
بس ارجوك اوعي مزاجك يتعكر
ضحكت وقلت حد يتعكر من السكر
يا بنتي انتي غالية علية
ضحكت وقالت والله ياعمو انت اكتر
ممكن يا بنتي تتكلمي
علي ايه عايزة تستفسري
انا ببعجبني كلامك
عندك قدرة غريبة في ترتيبك افكارك
مدهشة في اختيار حروفك
اتفضلي
انا هاسمعك بكل جوارحي
هاجاوب علي كل اسألتك ومش هاخبي
ضحكت وقالت متأكد ياعمو
انك مش هاتخبي ولا تداري
وعد مني يا بنتي
لا هاداري. ولا. اخبي
ياعمو
كملي ليه سكتي
بصراحة انا مترددة
تقدر تقول محرجة
يا بنتي انا معاكي بكون صريح
بكلمك بكل وضوح
كلام مباشر مش تلميح
اتكلمي. بدون خوف ولا احراج
ياعمو
بعد كل سنيين عمرك
ملاحظة انك لسه ماشي ورا قلبك
قلبك دايما سابق عقلك
كل ده. واضح في كلامك
اغلب كلامك عن الحب
مع اني عارفة ان حياتك غلب في غلب
دايما بتوصف احوال الاحباب
حتي وانت بتكتب عن الاغتراب
بلاقيك مؤمن انه في رجوع مهما طال الغياب
دايما بتقول حتي لو الكون كله ضباب
ايمانك ياعمو بالحب
مخلي نظراتي ليك كلها أرتياب
اسئلة كتيرة بدور في راسي مش لاقية لها جواب
ضحكت بصوت عالي
ووقفت في مكاني
يابنتي قبل اي كلام
عايز اقولك انا عايش الواقع مش عايش في الاحلام
يابنتي
الحب حقيقة مش اوهام
الحب ايمان
الحب أمان
عشان مش اطول في الكلام
في ثوابت في الكون
زي ما في ليل في نهار
زي مافي جنة في نار
الحب يا بنتي
هو. الحياة
الحب في النجاة
الحب هو السعادة
الحب اكبر واجمل نعم الله
يا بنتي
انا مؤمن بالحب
بحب الحب
بعيش الحب
بتعامل بحب
بتنفس حب
الحب مش مجرد كلمة
الحب اساس اي علاقة
صحبة اخوة صداقة
الحب مش مجرد علاقة بين حبيبين
يا بنتي
الحب هو مهون مصاعب الحياة
الحب جنة الله علي الارض
الحب علي اصحاب القلوب السليمة فرض
يابنتي
الحب
هو غذاء القلب
اجمل ما في الكون الحب
انا مؤمن ان الخلاص في الحب
السعادة والفرح في الحب
كل الخير في الحب
يابنتي
الرحمة حب
الحنان حب
الانسانية حب
فهمتي يا بنتي
ليه بتكلم وبكتب عن الحب
انا بحب الحب للحب
بعيش كل معاني الحب
صبري حسين
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.