سرحان ليه
خايف بكره تكبر
وتشيل الهم
ولا خوفك خوف من الفكره
انك تبقي من غير ام
قولي بجد خايف ليه
سرحان من ايه
فك همومك يلا ياعم
-------------------------
منكرش عليك انا خايف
خايف اكبر قبل اواني
شعري يشيب وانا لسه مكاني
خايف يبقلي صديق
وبعد صداقته
احس خيانته
خايف احب وبعد مااحب
بعد الشهد
ادوب في مرارته
خايف مقدرش علي حلمي
يكبر وكل مايكبر
اصغر
وكل مااصغر
يكبر همي
واعيش وحداني
وشعري يشيب
وارجع احاول اكسر همي
يضحك همي
يقول كلاكيت من تاني
خايف احقق كل احلامي
بس ادوس علي قلبي
شرط تحقق حلمك بدري
بس بشرط تبقي اناني
هو عشان اشم الورد
لازم اجرح شرياني
خايف اموت وانا لسه صغير
خايف اتغير
مش والله دي حكايه تحير
انك تبقي خايف تكبر
وانك خايف تبقي صغير
عرفت يابويا انا ليه خايف
وانت اكتر واحد حاسس
وانت اكتر واحد شايف
ممكن اقولك حاجه يابويا
انا دلوقتي والله خايف
وانت امبارح
مكنتش خايف
احمد عبدالحق
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.