إكتآب
..............
قبل ما تقرر تكتئب
إنسى فرحك إللي مات
إنسي عمرك إللى عشته
وعدى كأنه قطر فات
إنسي حبك إللى كان
إنسي كل الزكريات
وإفتكر شكل الألم
لون الجراح
طعم الدموع
قبل ما تخطى لحزنك
فى طريق مالوش أبدا رجوع
تقدر تصاحب الهم عمرك
ولا هاتمله ويملك
واحتمال إنه يروح
لو هاتقدر
مارس الطقس بوضوح
يالا كشر.. وإنت وحدك
وإقفل البيبان وكسر
كل حلم كان معاندك
شوف فى مين راح تأثر
وإيه تساوى الدنيا بعدك
والا بيك....
إنت فى الدنيا دى وحدك
انت بس إللى ليك
إنت بس إللى تبكي عنيك عليك
شيل بقا الحزن إللى فيك
وإضحك عشان تعدى بيك
وإياك تقرر تكتئب
ناجي الجندى
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.