أيوب زماني
يا بلدنا فيكي الصمت
بقى عادة معتاده
ونسينا معنى الوجع
والحرقه بزيادة
&&&&&
وانا غصب عني بأطوف
اشغل ألوف وألوف
وناس تقول معروف
الدمع له عاده
&&&&&
مكتوب لي اعيش جوال ....
واضحك علي روحي !!
ليقولوا قال موال .......
ويزيدوا في جروحي !!
&&&&&
أضحك وقلبي حزين
مع ناس كتير تايهين
وقلوبنا فيها أنين
والدنيا وَلْاده
&&&&&
ازاي ياقلبي تعيش
مع ناس تقول درويش
والحزن غيره ماليش
والفرح يتهادى
&&&&&
مكتوب لي اعيش جوال ....
واضحك علي روحي !!
ليقولوا قال موال ........
ويزيدوا في جروحي !!
&&&&&
الفرح جاني حراح
والدمع عوم وبراح
امتى ياناس ارتاح
والفرح يتنادى
&&&&&
يادنيا ليه المر
ولا شيئ بيجي يسر
ان جاني فرح يضر
وهو كله إلا ده
&&&&&
مكتوب لي اعيش جوال ....
واضحك علي روحي !!
ليقولوا قال موال ........
ويزيدوا في جروحي !!
&&&&&
وشربت نار كاسي
ودموعي بتئاسي
والضحك من ناسي
كله كما العادة
&&&&&
ماهمهومش دموع
والحزن مش موضوع
وسهام في قلبي ضلوع
وبكايا يتفادى
ياسر مهدي عمرو
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.