أهم الاخبار

مجلة نداء الرؤح للشعر والأدب رئيسة مجلس الادارة الأستاذه نداء الرؤح )

الأحد، 17 مارس 2019

هي فيييبن وانت فين بقلم احمد عبدالحق


هي فيييبن

وانت فين
هي دمعة حزن نزلت
غصب عني من سنين
هي ماتت الف مره
لما اتحطت جوه طين
هي عايشه..ايوه عايشه
بس ياخساره
عايشه عيشه المييتين
ام انت حاجه تانيه
كل حاجه فيك حب
حتي اللي بين ضلوعك
احن قلب
عارفه لماتغيبي عني
بحس اني حرف باهت
حتي شعري في غيابك
احساسه ساكت
حتي يومي في غيابك
يوم حزين
كل مااشتاق لحضنك
قلبي يطرح حنين
وكل مااشتاقلك اكتر
ارسمك بنن عين
اكتبك احلي حروفي
انقشك فوق الجبين
يااحلي حرف في كلامي
انت فين وهي فين
انت نجمه فوق السحاب
تفرق عشق السحاب
عن عشق التراب والطين
هو عشق الملايكه
زي ماتعشق الشياطين
هي فين
وانت فين
يمكن يكون الورد
طالع من وسط طين
بس الاكيد 
انه في ورد
جوانا مسقي بالحنين
واكيد تفرق كتير
ورده بشوك تجرح
وورده تانيه ترياق المجروحين
هي فين وانت فين
حد يقولي ياعاشقين
مين ديه
وديه مين
احمد عبدالحق

ليست هناك تعليقات:

إرسال تعليق

ملحوظة: يمكن لأعضاء المدونة فقط إرسال تعليق.