أهم الاخبار

مجلة نداء الرؤح لفرسان الكلمات رئيسة مجلس الادارة الأستاذه نداء الرؤح )

الثلاثاء، 27 فبراير 2018

حيرة القمر بقلم السيدابوطاحون

حيرة القمر *** بقلم السيدابوطاحون 
*********
حتي القمر
شاف حسنك غار
ترك مداره
وقف محتار
اسم النبي
حارسك ياجميل
ياسمين 
بيدلع ع النيل
وقلبه عاشق
للمواويل
سنين كتير
وكمالو فريد
وجمالو
بينبت ويزيد
ويوماتي
عيد 
بيسلم 
عيد

يا بت ياللي
ف عيونك 
ياما كلام وكلام
يعدي كل البحور
ويحقق الأحلام 
الشعر يفتح بيبان 
العشق والمناجاه
ويرد ليه الحبيب
مهما يغيب او تاه
وقلت للموج 
ياخدني او
يجيبه معاه
ليه بس ...
خدني في يوم
سقاني فن العوم
في بحر الغرام

كلمه واحده
حرف واحد
من شفايفك
يملأ كوني
بابتسامات 
العمار
وابتهالات 
الورود
والخضار
يا ابتسامة طفل
بتجيب النهار
من قلبك
من روحك
والحنيه
ف بوحك
و الضحكه
الخجلانه
بتنادي
في الوادي
عارفنها
وعرفانه
عشاقنها 
وعاشقانا
بتجمع 
في حروفها
وتحارب 
صدى خوفها
علشان بكره يغني
ويبارك نجوانا
تتحقق احلامنا
نتجمع وندلع
اغانينا وايامنا
*********

ليست هناك تعليقات:

إرسال تعليق

ملحوظة: يمكن لأعضاء المدونة فقط إرسال تعليق.