(بوح اسري)28/1/018
لمعندو هم تولدو حمارتو
لمعندي عدو يتسنى واحد من اولادو
الولد اقرا اتعلم صنعة
ماعجباتو اقلب الحرفة
شد طريق عوجة امحرفة
بيع المخدرات شرب الخمرة
كلام نابية زنقاوي ترويع الساكنة
ادخل للسجن عاد زاد فيه
مابقا حد يقر عليه
تيقولو الميمتو زايدة فيه
الام الكبدة اصعيبة
الام الحنينة
كيف دير حتى تسمح فيه
هدا النوع من الشباب
خاص يتقفل عليهم الباب
يحترمو من زيارة الاحباب
سمعو يالإخوان
هدا السيبة اسبابها حقوق الإنسان
كان الحكام ايام زمان
كان الامن والامان
كان الشرطي
والدركي
والمعلم ليه شان
كان الاحترام في الميدان
في الشغل كان الإتقان
ماكنا انسمعو عن مداهب ولا عن اديان
كان الانسان عايش بسلام
كانت البركة سببها صلة الأرحام
افقدنا شلا احوايج
التعليم اتبدلت المناهج
مدونة الاسرة زادت الطين بلة
لمكانت بنت الناس
اتخرجت من عين الابرة
تيقولو لجواد
الرابح من المراة
والخاسر من المراة
رد بالك اخويا المراة هي التربية
مع الاولاد صبح وعشية
الرجل اش من مسؤولية
الرجل ضحية
اسمع يالضلع الاعوج
افهم كلامي عيش الواقع
ماتفضليش اولادك على راجلك
شوفي قدامك لا اتشوفي مراك
دير الخير الاخرة لدايمالك
ارضا راجلك اكثر من ارضا الباك لرباك!
بقلمي محمدالبراقي الحسناوي
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.