اوعي تفكري
اوتتصوري
اوحتي في يوم تحلمي
عشان بحبك هكون ضعيف
هكون دمية في ايديك
اوشحات نايم فوق رصيف
بحبك اه بحبك
وحلم عمري اكون في قلبك
بس رافض لحظة غرورك
لحظة جنونك
لحظة لماتخبي ضعفك
قصدي لماتحاولي تخبي عشقك
صدقيني شيءسخيف
لمانحب لازم نقول
لازم نحس ازاي نكون
نظره لقا
شوق حاضنه حبة دفا
مش دمعه مكسوره في عيون
لمسه ايدعرقانه متشوقه
اولحظة جنون
صدقيني عيشي حسك
عيشي لحظه بدون غرور
اوتكوني في يوم لوحه
جميله ملامح
والمعني جواك مكسور
بقولهابصوت مسموع
موجوع
ارمي غرورك بدون انحناء
وقولي احبك بكبرياء
بكل الغات بكل المشاعر
اه والف اه
لوعرفتي يعني ايه
عزف المشاعر
يعني ايه تكون ملكه
لماتخشي قلب شاعر
خايف تعرفيها لما اموت
لمايسكت فياصوت
ساعتها يمكن تقوليها
بس بعد ايه
مفيش رجوع بعدموت
احمد عبد الحق
احمد عبد الحق
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.