أهم الاخبار

مجلة نداء الرؤح لفرسان الكلمات رئيسة مجلس الادارة الأستاذه نداء الرؤح )

الثلاثاء، 30 يناير 2018

إنتهت الزياره بقلم الشاعر حسن محمد علي


إنتهت الزياره 
...
1-
يمكن أنا ضيف تقيل عليكي
بس إستحمليني شويه
مش هو أنا اللي حاربتي سنين عليه
وكنتي شيفاني ميه ميه
مش هو أنا اللي إتربيتي علي إيديه
وعشقتي كل حاجه فيا
مش هو أنا ابن البلد الراجل الجدع
والقلب المليان حنيه
مش هو أنا اللي عشتي معاه 21 سنه
عمرك ما شفتي فيهم أسيه
...
2-
إتغيرتي
إتكبرتي
حتي قميصك الموف
مش فرحان علي جسمك 
حتي جانا الهوي
مش فرحانه برقصك
حتي ضفايرك ال 20
دبلانين
زعلانين 
من طبعك
حتي برفاناتك
رافضه تقلباتك
رافضه حتي لمسك
وأديني بتفرج عليكي
وكل حلوك بيهرب منك
كان لسه عندي أمل ترجعي
لكن يا خساره مات قلبك
...
3-
ومصممه تقفلي الستاره
واحنا في نص العرض المسرحي
وان كنتي فاكره دي شطاره
انك في وقت حاجتي فيا تمطوحي
أدامك ألف مليون أماره
انك من غيري متعرفيش تفرحي
وان كنتي شايفه نفسك قادره وجباره
ومبسوطه وانتي فيا بتجرحي
إستني وخدي من أخر عباره
قبل ما ييجي غيري وياخد مطرحي
أنا كنت باقي ع العشره بس خلاص
إنتهت الزياره
وأنا وانتي والأيام بينا
سلام
يلا روحي
......
......
إنتهت الزياره
حسن محمد علي

ليست هناك تعليقات:

إرسال تعليق

ملحوظة: يمكن لأعضاء المدونة فقط إرسال تعليق.