(جيل آخر )30/1/018
الجيل اخصر
يتصرف بلا مايفكر
فعلا جيل آخر
الوالدين لهم مقامهم
بالاحترام دير لهم احسابهم
طيح صحتهم اتهدت اجسادهم
انت بالسب تجازيهم
واياك من غضبهم
ماعرفنا قيمتهم حتى افقدناهم
كيف اندير ننساهم
الفرحة امشات معهم
فين ديك الايام لعشنا معهم
الام الحنينة تنوض بكري مع الغبشية
اول شي تدخل للكشينة
امناصب بالعواد ترد الفراح
تحلب لبهايم اتشطب لمرح
الحرشة الملوي ماكلة الصح
الاب الحنين يلبس اجلالبو
يهزنا للمدرسة كل صبح
كانت السبعينات البرد القصح
كان التعليم اديال بصح
كان المعلم اسبع الشوفة فيه تخلع
لتعطل يتحمل التلميد خايف امضبع
والدينا فيهم الماتنا والبواتنا
والدينا الفقهة والأساتذة
لفقيه احفاظة ولا تحميلة
كانت ديك الايام زينة
عشناها في عهد والدينا
الحيا الحشمة الوالدين
الجيران المعلمين ليهم قيمة
اتلفنا على الطريق تهنا
مابقينا عارفن اشكون احنا
الوالدين ماتعرف قيمتهم
حتى تفقدهم
اتقلب عليهم ماتلقاهم
اشحال منهم على هدا الحال
الله يفاجي الاهول
الوالدين مايتشراو باموال
حالنا ما هو حال
الناس باعت راسها بالمال
انسات ان الانسان اقوال وأفعال
انساو الجنة تحت اقدام الامهات
انساو الصخط من السبع الموبيقات
انساو الدين لهو من الاولويات
تلفو مع المنكر واخبار الفضائيات
بنات واولاد امعرين على اركيبات
سروال امشرك بعدة دريهمات
واش هادي موضة ولا اهبال
كيف اندير ننساهم
عانيت الكثير بسبابهم
لحصل يخلص
الكاشو منو للدص...
بقلمي محمدالبراقي الحسناوي
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.