عايشين فى دور إسمه الشرف والإنسانية
والعقل شت من اللى شفته معدش فيا
الكل بيقول يالا نفسى يا خلق ولا
ولا القلوب إتغيرت وبقت قوية
فى ناس بتهتف بلدفاع عن حيوانات
وناس بتبكى من الالم وتقول اهات
مش لاقى كلمة اوصف بيها اللى بيجره غير
العدل أصبح مستحيل او شبه مات
ببعت رساله للجميع يا امة الإسلام
اللى بيجره الوقتى بس حلال دا ولا حرام
ليه السكات جايب سكات ومفيش خلاص افعال
الظلم لو يتساب اكيد هيزيد مع الايام
إحساسكوا ايه عن دم ناس بتموت ف كل نهار
إحساسكوا ايه عن خلق عايشه بتتحدف ف النار
صعبان عليا الكل ليه واقف مكانه يا ناس
يا مسئولين إتحركوا وكفاية بقى أعذار
ببعت رساله للجميع ولكل واحد شاف
ثمن السكات راح يجى يوم وهيدفع أضعاف
واللى بإيده الحاجه مبيعملش حاجه هقول
فى حساب عسير يوم الحساب لازم تفوق وتخاف
...................
محمد ناصر
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.