الزمن دوار بقلم حلم الحياه محمد الاشرف

دردشات اشرف
الزمن دوار
وفكر محتار
وقلب فى نار
ذل وعار
وليل غدار
فنجان مقلوب
تشوفو معيوب
يقول حقايق
وياعالم بالاسرار
اول الفنجان
كلام يديك امل
وتانى سطر يبشر بالعمل
وتالت سطر هاتبقى غنى
ورابع سطر سكه سفر
وهو كلام
ممكن يكون
وممكن مايكونش
وانت بعيونك ماتشفش
وضلال ووهم
وقلوب فى هم
بتهرب من مكتوب
وهاتهرب لفين مكتوب عليك الهم
بتهرب لفين ولمين هى غم
نضف قلبك واغسلو
يمكن ربك يقبلو
مع القلوب الطاهره
ونصلى ركعتين عند ستنا الطاهره
ونقول مدد ياربنا التواب
يافاتح الابواب
حلم الحياه محمد الاشرف