آآآه منك يازمن بقلم /هناء محمد

آآآه منك يازمن بقلم /هناء محمد (همس الشريف)
-------------------------------

آآآه و آآآه منك يا زمن

لحد امتا هدفع التمن ؟
هتفضل لحد امتا مايل ما تتعدل ؟
لحد امتا هقول ازاى وليه ؟
أنت مش لقى غيرى تقدر عليه؟
لحد امتا هقول الجاى أ حلى؟
قولى يا زمن امتا هتحلا
طعم المرار بين حشايا ليل ونهار متخبى
والدمع كحل العين والنار سكن الجمبين
والله طفح الكيل يازمن قولى هتروح بيا لفين
الهم زادى و زوادى والروح سكنها السراب فى الوادى
والأمل زى الصحارى جراء مافيها غصن يظل فؤادى
قولى لامتا يازمن هدفع التمن
الفرح غاب وتاه عن عنوانى
الضحكه زى الضيف خطاه عزيزه ما عايز يدق بابى
وعذابى ولوعتى اصبحوا حالى
وفرشتى زى الشوك مافيها راحه لبالى
ساكن القلب غاب وخد معاه فرحتي وآمالى
قولى يازمن امتا هيرجع الحبيب الغالى ؟