شعاع نور ...للشاعر المتالق ..مبروك علوه
( شعاع نور )
مظلوم ما بين القضبان
مش لاقي شعاع نور
عايش حياته ظلام
كشجرة ف ارض بور
محروم ما شاف الهنا
يبكي بدموعه مقهور
طريقه مليان أشواك
مسدود بالف سور
اشارته ضوءها احمر
منتظر ف زحمة وطابور
خطاويه مليها الخطر
محظوره من المرور
والظالم ف الدنيا طايح
كاسد ف غابه جسور
غرقان ف عز وهنا
وسعاده ويا السرور
ما شاف ف يوم حرمان
عايش ف نعيم وقصور
سكته مفروش ورود
وجناين محدوده بزهور
طريقه ديمآ سالك
بالكذب ويا الزور
وكل خطوه يمشها
مسموح له بالعبور
الظلم رحته فاحت
وخرجت من القبور
الحق تاه في الزمن
بالشر والفجور
عايزين العدل يرجع
امتى الضلال يغور
أرسم طريق الأمل
انهض ع الظلم ثور
☆☆☆☆☆☆☆☆☆؛
مبروك علوه
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.