نزلت دموعي بقلم الشاعر مبروك علوه

☆(نزلت دمعتي)☆

من كتر ظلم الناس نزلت دمعتي
وسكن قلبي الحزن واغمقت دنيتي

حتى ف عز الفرح طفيت شمعتى
باعوني أعز الصحاب ونكروا صحبتى

سابوني مليان حزن اعانى ف وحدتى
قتلوا جوايا الامل وتاهت خطوتي

مش لاقى جنبي حبيب يشلني فى شدتي
نسيوا جمايلى معاهم وضاعت مودتي

وضاع منهم الإخلاص وانكسرت فرحتى
ومحدش فكر ف يوم يمسح لي دمعتى

بقا دي جزاء إخلاصي وسلامة نيتى
حرمت نفسي علشانهم مشفوش قسوتى

كتمت جوايا جراحى وطويت صفحتي
وببكى بدمع العين مذهول من دهشتي

☆☆☆☆☆☆☆☆☆☆☆☆☆؛

مبروك علوه