وحلمت بيكي وربنا..بقلم الشاعر المتألق ..على السني ..
وسط الهموم والدوخه دي ؟!
وسط زحمة بعدنا
تخيلي !! الليل حلي
حتي اسألى كل النجوم
عشان اشوفك
عاوز اقضى العمر نوم
ياللى البعاد خلاكي احلى
خلاكي جمره ف كوم رماد
ذيدي البعاد
وارمي ع النار اللى فيا
كوم حطب
واسكني اعلى العلالي
وانزلي ف جوفي رطب
غيبي وتعالى وغيبي تاني
حبك على جبينى انكتب
صوتك جيتار وبدون ايدين
عمال بيعزف ل السنين
غنوة حنين
وانا قاعد اسمعها واشمك
يافايحه من بين النغم
عشقك انين
بيضج جوه الروح الم
وحلمت تاني بيكي ليه
مش مره لأ
دولت كتير
وانا قلبي رق
فبقيت بغير
من حلمي لو
تيجي بتيابك ترقصي
او تهمسي
وتقولي يلا ضمني
فاكره الشجر
وكراسي كات ماليه الرصيف
والعاشقين متشتتين
جوه الطرق
هاربين من الناس وسطهم
وانا وانتى كنا زيهم
اتنين وصاحبو الليل سوا
وعملو تركيبة دوا من ضحكهم
انا كنت برتاحلك قوي
وسط هذا الكون بحاله
اخترت اكونلك انتي بيت
وياريت سكنتي
انتي الوحيده اللي بكيت
علشان بعدتي
وهتفضلي رغم البعاد
بنتي وحبيبتى
وانا بشكرك علشان زيارتك فى المنام
ومفيش كلام تانى هيوصف فرحتي
علشان بشوفك غير ان اقولك
انا رايح انام
الله عليك يا سنى يا شااااااعر الله عليك
ردحذف#قصى_علاء