#رسالة_قلب ..بقلم الشاعره المتألقه
خلود عادل ...
بريد هوانا فيه خلل
يقسم رسايله يشدني
نقص الكيان بيك إكتمل
فهمي لرسايلك هدني !
أما بعد ..
تحية قلبك و السلام
سطور مرصوصة عن حبي
تاخدني معاها للأحلام
يتوه العقل مع قلبي ..
بالجومة بقيتها محذوفة
مسحورة يمكن بالغرام
أو عيني الدايبة ف حبي ليك
تمحي اللي يوجع م الكلام
وهكذا ..
فاصل ويعود قطر الأيام !
أصل اللي ظاهر كان مدارى
الصدق في دولاب الزمن
وعلاقة العقل اغتراب
بقلب مال لهواه علن ..
فصلة ونبدأ ف النهاية
كل الحروف ملهاش قلم !
تلخيص حياتنا ف ابتسامة
ممنوع تداول الألم !
والمنتظر ..
ظهر الكلام المختزل
في جواب غلافه عشقتني
نُص الرسالة حبيتني
والنُص التاني جرحتني ! ...
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.