وآااه من الحنين
حنين حنين
وآااااه من الحنين
راح فين الشوق والحنين
اللي كان بيروي عطش السنين
راحت فين لمعت عنيك
اللي كنت بلاقي فيها نفسي معاك
وفين سهر ليالينا واحنا حاضنين قمرنا ونوره في عنينا
وألعقد اللي لضمتهولي بنجوم السما
والشجرة العتيقة اللي بنيتلي فيها عشنا
والوعود والعهود اللي عاهدنا بيها بعضنا
راح فين نبض القلب اللي كان ينبض باسمنا
وسنين العمر اللي فات راحت فين وراح فين حبنا
دموع عيني اتحجرت جوة العين واستنفرت
والقلب من قهره انصهر
والليل ضاع منه القمر
حفر ونقش الذكريات أصبح كنقش الحروف علي الرمال
يمحوه موج البحر ولا يكون له أثر
أنا وأنت أصبحنا ذكريات
في قصة حب ولي زمانها وعدا وفات
مسافر بعيد مع ذكرياتي
وأعيش عمر جديد والقلب ينبض من تاني
وذكرياتي مفتاحها معايا مش مع حد تاني
مع ارق تحياااااتي
بقلم
نجوي محمد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.