جرح الخيانه
من ديوان/ بيحسدوك على إيه
للشاعر / مصطفى فريد
مكتوب تموتى
قدام عنيه
عطشانه ليا
كل يوم
وتزيدى غيرة
وعذاب وحيرة
لما تشوفينى
قلبك يصوم
مايشفش غيرى
يفضل أسير ى
وعنيكى تسهر
ما يجيلها نوم
ودموع عنيكى
تحرق إيديكى
تنده عليا
بصوت جنون
والقلب سامع
لكنه دامع
مش لجلك انتى
عشق النجوم
من بعد هجرك
ما عادش فاكرك
جرح الخيانه
مليان سموم
لساه بيكوى
قلبى فى صدرى
لساه بيعوى
فى ليل الهموم
طهرنى جرحك
ونسيت ملامحك
جوه العيون
قلبى إللى حبك
كام مرة سامحك
وحفظ لعهدك
رغم الظنون
ماتمرشى فيكى
وكان من نصيبى
طعنة جحودك
له كل يوم
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.