(عذرا رسول الله) كلمات /صبري حسين
بنكلم نفسنا
مع كل قضية
نفس الطريقة
يتحرك اللسان
بحلَو الكلام
الا رسول الله
فداك ابي وامي يابن عبد الله
نفس المعالجة
بنجري في حلقة مفرغة
بنتحاور حوار الطرشان
نصرخ في وجه بعضنا
الا رسول الله
عمرنا ما تقدمنا خطوة
واقفين محلك سر
مش عارف ايه السر
نتكلم كلام احلي من السكر
من سنين
رسام دنماركي
والنهاردة فرنسي
وقبلها كان سلمان رشدي
واحنا علي حالنا
نصرخ بإعلي صوتنا
مافي حد ببسمعنا
ولا حد يهتم بكلامنا
ولو حد عبرنا
الرد بكل بساطة
يا عالم دي حرية
دي رسوم إبداعية
هم فهمونا
اكتر من فهمنا لروحنا
عارفين اننا امة حنجورية
كلمتين بنقولهم
بنضحك علي نفسنا بيهم
بعدهم نقول لروحنا
احنا عملنا اللي علينا
مفيش حاجة ب ايدينا
بنصرخ في وش بعضنا
علي كل المواقع والمنصات
عاملين مظاهرات
مؤتمرات
بيانات
شجب استنكار
صوتنا يطلع كله مرار
الا رسول الله
فداك ابي وامي يارسول الله
اهو كله كلام في كلام
عمرنا ما اخدنا موقف
الا رسول الله
وبنشتري كل المنتجات الدنماركية
الا رسول الله
وبنتعطر بالعطور الفرنسبة
الا رسول الله
ولسه بنوصف فرنسا ببلد الحربة
فعلا والله احنا امة هفية
ماتت جوانا النخوة
بعنا كل القضية
ادمنا المهانة
راحت فين الكرامة
كل اللي بنعمله
الكلام
كلام في كلام
نفس اللغة
يا امة الخطابة
مافيش علي المتطاولين ملامة
احنا عملنا لرسولنا ايه
اغلبنا بعد عن نهجه
اهملنا تعليمه
عليت اصوات الموترون
للاسف من المسلمين
اللي لا يعرفرفوا شئ علي الرسول
ماسكين معوال عايزين لسنته يهدموا
لكتير من احاديثة ببكذبوا
يا امة الاسلام
ارجعوا واعرفوا طريقكم
افهموا صحيح دينكم
اعرفوا قدر رسولكم
عمر الحب ماكان بالكلام
المسلمين في كل البقاع
بيقولو في نفس واحد
الا رسول الله
الغالبية بتقولها مجرد كلمة
الا من رحم الله
الا رسول الله
بنقولها بنا وبين بعض
كلامنا مش مسموع
طول ما احنا عايشين في خنوع
نصرة الرسول مش بالكلام
قاطعوا
اغضبوا
كفاية كلام
خليكم اهل افعال
يا امة الستة مليار
نصرة خير الانام
مش هتيجي بالكلام
يا امة الاسلام
اتوحدوا
لرسولكم اغضبوا
بالمقاطعة
بالكلمة الواعية
ترجموا غضبكم لكل اللغات
بدون اي مهاترات
سمعوا العالم صوت زئير قلوبكم
ارعبوهم من نظرة عيونكم
الا رسول الله
احنا بنحترم كل انبياء الله
بنقدس كل كتب الله
عذرا يا رسول الله
ياللي ربك كرمك
ورفع ذكرك
وجعل اسمه مقترن بأسمك
لا اله الا الله
محمد رسول الله
عليك صلوات الله
عذرا يا رسول الله
ياشفيع يوم الدين
يا خاتم الانبياء والمرسلين
يا هادي من الضلال
يا نور الظلام
يارحمة من رب العالمين
للناس اجمعين
عذرا يا رسول الله
عذرا يارسول الله
صبري حسين
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.