نار البُعد
بأستناك وهأستناك
لأني بجد
واحشني هواك
في بعادك حاسة
حياتي هلاك
الليل في غيابك
زي سؤال
مش لاقي جواب
أما نهاري
جحيم وعذاب
حالي في بعدك
أصبح حال
وظني كمان
في رجوعك خاب
استحليت الغربة
وبأشوف في سمايا
دخان وضباب
بأعد نجوم
وسحاب وغيوم
مصاحباني أمواج
كأنها أفواج
راكبة القلاب
بس أنا صابرة
وعندي مكابرة
يجيني جواب
سنين هأستنى
كأني في جنة
لو كل الكون
لامني وعاب
جيلاني أنور
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.