أنا مش بليد
لكني مش عارف حقيقي ..
يعني ايه كلمة وطن ؟
يمكن عشان الغربه طول الوقت مش (أوبشن)
يمكن عشان الحلم حكر على المولات
و أنا مش أوي في السوشي ولا لبس البنات
يمكن عشان معنى الوطن في الوقت ده بالذات
مرشوش بلون مختلف
والناس بقوا (براندات)
الوصف مش دايماً ضروري
ولو ضروري ..
مش شرط يبقى منطقي
ومفتكرش أن الوطن فارق معاه الناس
ميهمهوش مين اللي غناله
ولا زعل من اللي غنوا عليه
ومش فارق لي اني اعرف ليه
#احمد_عصام_عبدالكريم
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.