*سوق المعارف*
فى سوق المعارف
مفيش حد عارف
الكل بيجازف
سيلهم تم جارف
يعاملوا بقساوة
معدومه المشاعر
ولا حد شاعر
وتم الطبع واعر
حلاوته مرارة
اصل وفروع
القلب موجوع
والحقد مشروع
وسيل الدموع
ليهم حلاوة
صاحب وجالك
يزيد فى وصالك
من أجل مالك
ما يهمة حالك
وفى أمر حالك
يقطع وصالك
صاحب وصاحبك
معاك كل وقتك
يتمنى ف غيبتك
يعاكس فى اختك
وتبقى دى الرجوله
والبلوى فى جارك
سندك فى دارك
لسرك له تارك
لحزنه تشارك
لفرحه تبارك
وتجنى غباوة
واااااه من مراتك
تزيد طلباتك
تغم حياتك
تكتر اهاتك
ما تقدر ظروفك
وابنك يبادر
مفيش حد عادر
وللطاعه الكل نادر
ابويا دا قادر
تشيل فوق الاطاقه
تزرع حلاوة
تحصد مرارة
تزرع غلاوة
تجنى قساوة
تزرع أدب
تحصد جكارة
وكله فى نظرهم
تبقى شطارة
ومين بينا راضى
قساهم تم عادى
وايه اللى باقى
ما فيه حد باقى
بقلمى
نبيل عبد الحليم
25/3/2020
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.