فين كرامتك
************
هو سهل عليك ياقلبى
لما ف كلامه يجرحك
وانت ف دموعك تخبى
لما كلامه بيوجعك
وعمرى ما شفتك تشتكى
وتقوله حاسب من كلامك
لكن بتدارى عينك وتبكى
هى الدموع سهله عليك
قولى ليه ساكت وراضى
وماسك فيه بقوة ايديك
قولى ياقلبى ليه مضيعنى
هو ايه بينه وبينك
لما يقول امشى وسيبنى
أويقولك خليك فى حالك
مش عاوز يسمع كلمه تانى
ولا عاوز يسمع تانى صوتك
لما قالك هاقطع بإيدى
اى وصال بينى وبينك
وإنسى فى يوم ترجعلى تانى
تقدر تقولى فين كرامتك
تسمع منه كلام بيوجع
صعبان على وزعلان عليك
وانت بودانك ماتسمع
لما كلامه يقولوا ليك
قلبى عشان خاطرك بيجزع
سيبنى ف حالى يرضى عليك
انا مش هاسمع لكلامه واخضع
ولو كلمته وهو سمعك قوله بحبك
وبراحه عليا الكلام بيوجع
قوله إن ماشى وقلبى عندك
وقلبى بيحس مش بيسمع
تقدر تقولى فين كرامتك
م/ محمد بدوى أبوالعلا
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.