حلم الوطن ...!
قلبي علي وطني انفطر ...!
وقلب وطني عليا حجر ..!!!
كلمات
أحمد عبد اللطيف النجار
شاعر عربي
الوطن فينا ...
اتسجن ....
عشنا فيه ....
مليون شجن ...
اللي انطحن ...
واللي اتعجن ...
واللي ضاعت ...
فرحة سنينه ...
واللي طفح ....
كيله وأنينه ...
واتصالح ...
ويا المحن ...
عارف أن ...
العمر واحد ...
آخرته ....
ضعف ووهن ...!
آخرته ...
ضعف ووهن ...!!
ـــــــــــــــــــــــــــــ
الوطن عايش ....
معانا ...
وإحنا عايشينه ...
آلام ...
ناس تموت ...
من عمر يوم ...
وناس تعيشه ...
ألف عام ...
وناس ربيعها ...
مات في رضيعها ...
اللي اتفطم ....
بدري ونام ...
قالوا طعم ...
الصبر مُر ...
قولنا صابرين ...
علي الأنين ....
قولنا إحنا ...
مكملين ...
قالوا دا مجرد ...
كلام ...!
قالوا يعني ...
فضفضوا ...
رأيكم ....
لا تعرضوا ...
قولنا حاضر ...
والسلام ...
هما عايزين ...
يسجنونا ...
عن الكلام ...
يخرسونا ....
وفي عقولنا ...
وفي ضميرنا ...
يبقي خوفنا ...
أمر هام !
يبقي خوفنا ...
أمر هام !
ـــــــــــــــــــــــــــ
لو نداري دمعنا ...
لو نبدّل حزننا ...
الوطن باقي ...
في روحنا ...
لأجل يشرق ....
فجرنا ...
لأجل أولادنا ....
يعيشوا ...
يزرعوا ...
في أرضنا ....
ويكون الأمل ...
جوا روحهم ...
عشمانين ...
في ربنا ...
والرحمة ...
فيهم تكون ...
حب يرسم ....
فرحنا ...
نفسي نبقي ...
فرحانين ....
نفسي يضحك ...
قلبنا ...
قالوا أحلامكم ...
بعيدة ...
لو تكون ...
في يوم سعيدة ...
حزنها ....
يدوم سنة ...!
حزنها ....
يدوم سنة ...!
حزنها ....
يدوم سنة ...!!
ــــــــــــــــــــــــــــــــــــــــــــــــــــــــــــ
أحمد عبد اللطيف النجار
شاعر عربي
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.