.... انتحاااااار بقلم ـ أشرف رسلان

 انتحااااار ....

لا أنا فَارس بِسيف بَطار

أنا عَايش هِنا فِ حِصار

ما بين آهَه ... و تنهيده

أماني وِ هَدها .. اعصار

فارس وسيفي كان عادل

لِحق الناس و لا .. ظالم

مع قلبي بَكون في وِصال

عَفيف النفس .. وِ مُسالم

شِيطان جَاني وِ وَسوس لي

وِ جَملي حَياااه ... تانيه

حَياااه في السما العاليه

تِهَفّهّف رُوحي وِ تشيلني

لَقيت دَمعه في عِين أُمي

بِتِنْدَه لِي ... وِ تِتوسل

حَرام يابني لِيه مِنك

بِتِحرمني

ها تِحرمني لِطَلِة وَجهك النادي

بَلاش يابني

بَلاش يابني ليه تِسيبني

طَبَعّت قُبله على جبينها

بَطمنها ..... على حالي

رِجعت لِعقلي من تاني

خَلاص هاكَمِل المِشوار

مابين صحابي وأحبابي

لَكن هِيَّ معنداني بِتَصميمها

ها تكسرني

وِ دَا كان شِئ مِحيرني

نِسِيت الوَعد مِن تاني

نِسِيت أمي .. وِنظرتها

وِ رُحت البُرج وِ نَويتها

ها عِيشها فِي زمن تَاني

جَحيم أو جَنه ما فَارقه

ما هو وِسواس لِشَيطاني

وِ فُوق قمتهُ ... بِنَظرَه

شِريط يأسي .. بيتردد

وِ بِيعَدِد

على الدُّنيا إللي نَسياني

قاومِتْ هي إحاسيسي

وقُولت إل لَحظَه ماتجيشي

لَكِن إمتى دَا أنا مَشبوك

بِقَميصي

وِ صَاحبي بِيمِد لِي إيدُه

حَاوِلت بِإيد وِ بِالتَانيه

أفك شَبكة ..... الدنيا

و أطير في السما العَاليه

بِروحي مَا الجَسد فَاني

وِ صرخ الكُون حُواليَّه

وِ صُوت أُمي .. بِينادي

حَرام يَابني

لِيه تسيبني

لِيه تِتخلَى .. عَن رُوحك

دَا رَبك هُوَ إللي وَاجِدها

كاتب إمتَى .. هايخدها

أمانة .... وانتَ حَاميها

ما تفرَط فِي يُوم فِيها

حَياتنا وِ احنَا عَايشنها

نصيبنا.. نعيش ونبنيها

لا قُولت الآهه بتطمن

لازم .. بإيدينا نِمحيها

وَ أنا مَكرُوب

وَ أنا في نِعمة

قِسمَه وِ لازِم نِجاريها

نِعَدي المِحنَه وِ نِستَغفَر

وِ لَو عَادِت أنا مَا أكفَر

وَ اسلم نَفسي لِجَحيمها

دَا صَبري . عَ لى مَا بِيَّه

نَبتَه وِ زَرعه رَباني

رَواهَا إللي رَباني وِ خَلاني

أخااااف رَبي

أعِيش دُنيا عَلى قَدي

وِلِطمُوحي أنا باسّعَى

بِحِفظ المَولَى يِرعَاني

بقلم-أشرف رسلان

عرض الرؤى

معدل وصول المنشور: ٤٨

١فهدالصحراء الجرئ

٤ تعليقات

أعجبني

تعليق