رحتى يامه بقلم الشاعر ،/حسام فكرى
،،،،،،،،،،،،،،،،
رحتى يامه
*********
راحت خلاص أيامك يامه
راحت الضحكه واللمه
راحت الطبطبه والضمه
لمين تانى هاقول يامه
ولمين اروح اشكيله همى
مين بعدك عليا هايسمى
راحت الايام الجميله
من بعد فراقك يا امى
راحت الضحكه المنيره
اللى فى وشك يا امى
راحت اللمسه الحنونه
اللى كنتى بتديهالى
راحت الدعوه الجميله
اللى كنتى بتدعيهالى
لما كنت ادخل عليكى
وتقابلينى بالابتسامه
كنت ابوس ايدك ورجلك
كنتى تقوليلى بالسلامه
واما بكون راجع مخنوق
جوا حضنك كنت افضفض
ما فيش بعدك حد يطبطب
انتى اللى كنتى بتواسينى
والقاكى بصا فى ننى عينى
قوم يا واد ارمى همك
وهاتلى كل الحمل عنك
بكره كله راح يبقا عال
اوعى تقولى الحمل مال
انت يا واد كيف الجبال
بكره والله راح تبقا عال
بس خلى بالك م العيال
ربك وحده عالم بالحال
يجعل دعايه حدك ونصيبك
ويحرسك ولا عين تصيبك
خليك عدل بس ف طريقك
انت طول عمرك شديد
ناصل عودك كيف الحديد
اوعى ف يوم يا واد تميل
انت يا ولدى طيب اصيل
امشي ف طريقك يلا سير
عافر يا واد خليك شديد
شد حيلك وبعدين معاك
ربنا يسدد يا ضنايا خطاك
داعيالكم دايما فى صلاتى
انت واختك كنتوا حياتى
خد بالك منها فى مماتى
مهو انت يا واد الكبير
عارفه الحمل عليك تقيل
وانت قد الحمل شيل
منيش ف الدنيا لكن شيفاك
بيوصلنى صدقتك ودعاك
من بعدك يا امه الدنيا غابه
ماليانه تعالب وديابه
حاسس فيها بالكآبه
ماشى فيها عمال بعك
بعدك حظى عملى بلوك
بدخل غرفتك واقفل واسك
وبقعد ابكى ويا حالى
من بعدك يامه مش عارف مالى
فى مين غيرك هيريح بالى
عارف انها سنة حياه
اه من الم الفقد ااااه
اه منه والف اااااه
طول العمر انا مش هنساكى
وهسير على نهجك وخطاكى
سيبتى الدنيا ورحتى لربك
معاكى عملك هوا اللى فاضللك
وابن داعيلك ربى ينورلك قناديك
من الدنيا الزاليله انا هنا بدعيلك
ঔღঔ حـــسـ فكرى ـــام ঔღঔ
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.