الخوف
=====
الخوف معشش
في الحنايا
مش عارف المخبر
قدامي والا ورايا
خوفي من غويشه حديد
تجمع الايد مع الايد
او حقنة هواء
تسري في الوريد
ويقولو مات شهيد
مع انه كان عنيد
ويكرموني
ويدفنوني فى متر
من تل البلد
واروح كمد
من غير ثمن
قولت افضل السكوت
منا كمان
بخاف من لطشة قلم
تنزل علي وشي بألم
او سوط يرفرف في الفضا
ينزل علي ظهري بوجع
يخلوني عن كلمة الحق
ارتجع
او يزغللو عيوني
بحبة فلوس
واكذب واقول انهم
ما يكذبوش
وما يقتلوش
ودا في عرفي انا
كل الوجع
خليني ساكت
ليه بقي اعمل جدع
بقلمي
بهاء محيسن
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.