لما البلاد تصونها فرسانها
بدم الشهيد بيحرسوها رجالها
وزعرودتك أم الشهيد تكللو
بالغار يا أم الوفا كرمالها
تاريخنا عم نكتبوا بدم الشهيد
وبدمع يغسل مانزف منا الوريد
ونبني مجد للطفل والإبن الوليد
حتى الوطن تتوارثو أجيالها
وبكرا قمحنا بينبت بلونو الجديد
مايل عحمره من طهر ابن الفريد
لون بقدس القدس ابنك هالمجيد
حتى الخيانه والغدر ما تطالها
كلما سقط منا بطل عنا مزيد
للكون نحنا قادة الطهر العتيد
نحنا المعاني للأبد فجرو السعيد
بأنوار قدس تشعشعو أبطالها
نحنا الصلد نحنا الصخر نحنا الحديد
نحنا الكرامه والشهامه نوزعا بلكي تفيد
للباع دينو وباع عرضو وباع أمو للعبيد
ونجّس بحقدو شجارها وصلصالها
سلمان عمران
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.